 |
 |
< Nutaarsiassat tamaasa (knr.gl/nutaarsiassat)
|
Angajoqqaat atuartuutillit kattuffeqaleqquaat Pingasunngorneq marsip 10-at 2010 nal. 18:44 IMAK-p siulittaasuata angajoqqaat meeqqat atuarfianniittuutillit kattuffeqalernissaannik siunnersuutaa Tasiilap atuarfiani siulersuisut taperserpaat.  (Asseq toqqorsivimmit) Ilinniartitsisut Kattuffianni siulittaasoq Sivso Dorph isumaqarpoq meeqqat atuarfiini siulersuisut kattuffeqartariaqartut. , inatsisit naapertorlugit atuarfiit ingerlanersut alaatsinaanniarlugit taamaaliortoqartariaqartoq oqaatigaa, taamaalilluni aamma angajoqqaat naalakkersuisunut kommuninullu ataatsimoortumik saqqummertarnissaat anguneqarsinnaassammat. -Angajoqqaat oqariartuuteqaraangamik ataatsimoorussamik oqariartuuteqarneq ajorput, taamaallaat immikkuullarillutik saqqummersinnaasarput, soorlu Naalakkersuisunut kommuninullu, tamanna nukilaaqutaavoq, Sivso Dorph oqarpoq. Tasiilami atuarfiup siulersuisuini siulittaasup Nunnuma Olsenip Sivso Dorph taperserpaa, ilaatigut oqarluni, Kommuneqarfik Sermersuumi atuarfinni siammaseqisuni siulersuisut qanimut suleqatigiinnerulernissaat anguneqarsinnaagaluartoq, isumasioqatigiinnertigut ineriartortitsineq nukittooq anguneqarsinnaagaluarluni. Nunnuma Olsen oqarpoq: Siulersuisut atuarfitsik qanimut ilisimaarineruaat. |
Nutaarsiassaqartitsivik allaffigiuk
Immersugassaq una atorlugu KNR-imi Nutaarsiassaqartitsivik allaffigineqarsinnaavoq.
(Imaluunniit e-mail atorlugu: news @ knr.gl )
