 |
 |
< Nutaarsiassat tamaasa (knr.gl/nutaarsiassat)
|
Nuup ilaanni Qinngorpumi nanorsiulerput Pingasunngorneq marsip 10-at 2010 nal. 15:10 Kingumut Nuummi nanorsiortoqalerpoq. Inuit 100-t arlallit Qinngutsinnukaapput, nannumik takusoqarsimasoq ullumi marluk qaangilaaraa tusarliunneqarmat.  Maannamulli nanoq timitarsineqanngilaq. Tumisisoqarsimavorli. Tumiillu Ukkusissap ilaani Ulaajuup tungaaniittut atuarlugit piniartut ilaat maanna malersorpoq (ualiartoq sisamanngoriartortoq) - Maanna qutsingaatsiartumut pivunga, tumit malillugit, tassataavannguaq piniartoq Aslak Jensen mobilikkut oqaluukkanni oqaluttuarpoq. Nanoqarneranik nutaarsiassaq nittartakkami Facebook-imi asuli allattoqareersorlu ussatsitsilerpoq. Qinngutsinni nannumik immap eqqaani pinnguartarfiup eqqaaniinneraasoq kikkunnit tamanit tusalertorneqarpoq nanorsiornerlu aallartilluni. "- Nunamiippoq!" "- Immamiippoq!" "- Pisaraanngooq!" Tusatsiakkat amerlaqaat. Sunaaffa nukappiaraq "Bjørn"-imik atilik pineqartoq. Kikkulli tamarmik, piniartut, innuttaasut tusagassiortullu Qinngutsinnukaareersimasut aatsaat tamanna tusarliiunneqarpoq. Atagumi, immaqami nanoqassaqqooqisoq.
|
Nutaarsiassaqartitsivik allaffigiuk
Immersugassaq una atorlugu KNR-imi Nutaarsiassaqartitsivik allaffigineqarsinnaavoq.
(Imaluunniit e-mail atorlugu: news @ knr.gl )
