 |
 |
< Nutaarsiassat tamaasa (knr.gl/nutaarsiassat)
|
Maniitsumiit Sisimiunut nuunniarpaat Ataasinngorneq februaarip 08-at 2010 nal. 19:10 ALLATTOQ: JANNIK ROOS JACOBSEN/KALAALLISUT ELISA ISAKSEN Polaroil ukiup massuma ingerlanerani Maniitsumiit Sisimiunut nuunneqassaaq, tassami KNI-p qullersaqarfia tamarmi tassaniimmat.  Taamatut nuutsitsiniarneq ileqqaarniarnermik pissuteqarpoq. KNI-p qullersaqarfianit oqaatigineqarpoq, ingerlatsinerup atatsimuulersinneratigut ukiumut 1 millionit koruunit sipaarneqarsinnaasut. Polaroilimi sulisut quliusut atorfimminniiginnarsinnaasut neqeroorfigineqarput, taamaattorli maannangaaq sulisut tamakkerlutik nuukkusunnavianngitsut paasinarsereerpoq. Polaroil KNI-p ataani uuliaarniarfiuvoq, suliffeqarfissuarlu Namminersorlutik Oqartussanit tamakkiisumik pigineqarpoq. Ikummatissaarniarfiup nunniarneqarnera Naalakkersuisunit tamakkiisumik tapersersorneqarpoq: - Naalakkersuisut ersarissumik isumaqarput nuna aningaasanik atorfissaqartitsitillugu piffissami matumani sipaarniutissat pisariaqartut ingerlanneqartariaqartut aamma Maniitsoq Sisimiullu marluullutik kommuneqatigiimmata, Qeqqata Kommuniata ataatsimut isertitai annertuumik ajorseriarnavianngitsut. Inatsisartuni ilaasortap Siumumeersup Ruth Heilmannip § 36 najoqqutaralugu apeqqutaanut akissuteqarluni Naalakkersuisut siulittaasuat Kuupik Kleist taama allappoq. |
Nutaarsiassaqartitsivik allaffigiuk
Immersugassaq una atorlugu KNR-imi Nutaarsiassaqartitsivik allaffigineqarsinnaavoq.
(Imaluunniit e-mail atorlugu: news @ knr.gl )
