 |
 |
< Nutaarsiassat tamaasa (knr.gl/nutaarsiassat)
|
Immikkoortuni pingasuni Qaanaarmiut misissorneqassapput. Ataasinngorneq februaarip 08-at 2010 nal. 16:45 Immersuinerit peqqaassapput, toqusimasut nalunaarsorneqassapput ukiamullu ataasiakkaarilluni misissuisoqassaaq.  Qaanaami misissuinermi aamma aaversittoqassaaq. (asseq toqqorsivimmit) Ilisimatuut Qaanaarmiunik misissuillutik aallartissapput qaammatip tulliani, kræftemik toqquteqarsimasut nalunaarsorneqassapput, nunattalu sinneranut naleqqersuunneqarlutik. Ukiamullu nakorsat ataasiakkaarillutik misissuissapput. Peqqinnissamut naalakkersuisoqarfimmi pisortaq Ann Birkekær Kjeldsen oqarpoq. -Inuunermi atukkat, inooriaatsillu misissorneqassapput, uummallunnerit sukkornerillu misissorneqassallutik, kiisalu tarnikkut peqqissutsit, atornerluisoqarnersorlu nalunaarsorneqassapput. Aamma aaviisoqassaaq timimut avatinullu uummatip tillernerata aak apuutsilluartarneraa misissorneqassaaq. Ann Birkekær Kjeldsenip Qaanaarmiut peqqinnermikkut ajoquteqarsorippata misissortikkiartoqquai. Misissukkat nalunaarsorneqarlutillu suliareqqinneqarnerat junimi 2011mi naammassissasorineqarpoq. Suliamut naggasiullugu Qaanaarmiut ataatsimiitinneqassapput ilisimatinniarlugit 1968mi timmisartup qaartartumik usisup nakkarnerata kinguneranik plutoniummimik peqqissusaat ajoquserneqarsimanersoq. |
Nutaarsiassaqartitsivik allaffigiuk
Immersugassaq una atorlugu KNR-imi Nutaarsiassaqartitsivik allaffigineqarsinnaavoq.
(Imaluunniit e-mail atorlugu: news @ knr.gl )
