 |
 |
< Nutaarsiassat tamaasa (knr.gl/nutaarsiassat)
|
Pilatsinnissamut utaqqisut 311-inik ikilissapput Ataasinngorneq februaarip 08-at 2010 nal. 13:33 Inuit 311-t Peqqinnissaqarfimmi suliaritinnissamut utaqqisunut ilaajunnaassapput, Peqqinnissaqarfik Danmarkimi Islandimilu napparsimmavinnik suleqateqarnissamik isumaqatigiissuteqareersorlu.  Suliaritinnissamut utaqqisut 311-t piaartumik ikiorserneqalerput. Isumaqatigiissutit kingunerannik suliaritinnissamut utaqqisut 311-t maanna suliaritissinaanngormata. Inatsisartut aningaasaqarnermut ataatsimiititaliaata decembarip aallartilaanerani tapiissutitut aningaasaliissuteqarput, 15,2 millioni koruuninik amerlatigisunik, tapiissutit 2009-mut 2010-mullu atuupput,. Tassalu inuit 85-it isiminnik qasertittoorsimasut decembarimili suliaritereerput. Aamma januaarip naanerani tusaaniarnerminnut iluaqutaasussamik suliaritittussat siulliit Danmarkimi napparsimavimmut namminersortumut Arresødalimut aallartinneqareerput. Isiluttut 100-it Arresødalimi suliarineqassapput. Napparsimmavimmi tassani inuit 70-it seeqquusalertissapput. Seeqquusalertittussat siulliit qaammatip uuma aallartinerani Arresødalimukartineqassapput. Aamma inuit siutimikkut immikkut ittumik pilattarneqartussat 20-t maajimiit aallartittumik Islandimukartinneqartalissapput. Peqqinnissaqarfik aamma pilattaasartumut isumaqatigiissuteqarpoq. Taassumalu februaarip naaneraniit inuit 36-it Ilulissani pilattassavai. Inuit taakkua ilaat seeqqumik qinnguatigut ilaallu tuimikkut suliaritittussaapput. |
Nutaarsiassaqartitsivik allaffigiuk
Immersugassaq una atorlugu KNR-imi Nutaarsiassaqartitsivik allaffigineqarsinnaavoq.
(Imaluunniit e-mail atorlugu: news @ knr.gl )
