 |
 |
< Nutaarsiassat tamaasa (knr.gl/nutaarsiassat)
|
Ilinniarnertuunngorniarfiit aaqqiissuuteqqinneqaliivipput Ataasinngorneq februaarip 08-at 2010 nal. 13:01 ALLATTOQ: NAJÂRAK SVENDSEN / MELISSA GEISLER Naqqitaq: Ilinniarnertuunngorniarfiit nutaamik aaqqissuussivigineqarnerat pitsaassutsip qaffasinnerulerneranik kinguneqassaaq, ilinniartullu amerlanerusut ilinniakkamik naammassinnissinnaalernissaat anguneqassalluni.  Ilinniartut aallartittartut pingasuugaangata marluk taamaallaat ilinniakkaminnik naammassinnittarput. Taannalu iliuuseqarfigineqartariaqarpoq, Ilinniarnertuunngorfiit aaqqiissuussaanerisa nutarternissaannut suleqataasoq KIIIN-imeersoq Jan Bæk oqarpoq. - Ilinniartut faagini tamani oqaatsinik ilinniartinneqartussaapput. Ilinniartitsisut matematikkimi ilinniartitsisuugaluarpataluunnit oqaatsinik ilinniartitsinissaminnut pikkorinnerusariaqarput. Ilinniarnertuunngorniarfiit akornanni ajornannginnerusumik nuuttoqarsinnaangornissaa aamma anguniarneqarpoq. Aaqqissuussinerup nutaap aggustimi 2011-mi atuutilernissaa pilersaarutaavoq. |
Nutaarsiassaqartitsivik allaffigiuk
Immersugassaq una atorlugu KNR-imi Nutaarsiassaqartitsivik allaffigineqarsinnaavoq.
(Imaluunniit e-mail atorlugu: news @ knr.gl )
