 |
 |
< Nutaarsiassat tamaasa (knr.gl/nutaarsiassat)
|
Nikallungakulasut toqujaarnerusartut paasineqarpoq Ataasinngorneq februaarip 08-at 2010 nal. 12:39 Londonimi ilinniarnertuunngorniarfimmi University Collegemi misissuinermi paasineqarpoq inuit nikallungakulasut ukioqqortusinatik toqusartut. 1980-ikkunni misissuinerit ilisimatusartut siusinnerusukkut aamma misissorsimavaat, tjenestemandit 7.524-t taamani qinnuigineqarput qanoq akulikitsigisumik susassaaleqillutilluunniit nikallungasarnertik nalunaarsoqqullugu. Taakkunannga tjenestemandinit qassit maanna ajunnginnersut ilisimatusartut siorna apriilimi misissuiffigaat. Tassani paasinarsivoq inuit nikallungakulasut toqujaartarnerat nikallungakulanngitsunut naleqqiullugu 37 procentimik annerusoq. Ilisimatusartut ilimagaat inuit susassaaleqinerusut peqqinnanngitsunik nerinerusartut, pujortarnerusarlutik imigassamillu kimittuumik atornerluinerusarlutik, aviisimi Daily Mailimi tamanna atuarneqarsinnaavoq. |
Nutaarsiassaqartitsivik allaffigiuk
Immersugassaq una atorlugu KNR-imi Nutaarsiassaqartitsivik allaffigineqarsinnaavoq.
(Imaluunniit e-mail atorlugu: news @ knr.gl )
