Piniarnermut Ataatsimiititaliaq puisit amiisa tunisaajunnaarnissaat pillugu ilisimatinneqarsimanngilaq. Ataatsimiititaliaq Naalakkersuisumit nassuiaaffigineqarnissaminik maanna kissaateqarpoq.

Dansk Polarcenter siorna matuneqarmat aamma Issittumut tunngasunik atuagaateqarfiup, Polarbibliotekip, matuneqarnissaa aarlerinartorsiutaaleraluarpoq, aaqqiissutissamillu maanna nassaartoqarpoq. Atuagaateqarfik Københavnip Universitetianit maanna isumagineqalissaaq.

IMAK-p siulittaasuata angajoqqaat meeqqat atuarfianniittuutillit kattuffeqalernissaannik siunnersuutaa Tasiilap atuarfiani siulersuisut taperserpaat.

Nuup avannaani 150 kilometerisut ungasitsigisumi Isukasiani nunap ilua saviminissamik, ilami saviminissarujussuarmik, ulikkaarpoq. Tamanna aatsitassarsiortitseqatigiiffiup London Miningip misissueqqaarnerisa assigiinngitsut inernerisa takutippaat.

Sisimiormiut Borgmesterertik Hermann Berthelsen ualigaa sanaartortitsinermik suliallit, illussanillu titartaasartut assigisaanillu suliallit peqatigalugit, kaassuartakkanik ingerlasoq takuaat.

Illut eriagisassat eqqissisimatitallu pillugit Nunatta Katersugaasivia Allagaateqarfialu nutaamik nittartagartaarpoq.

Atuakkat isigiarsuttunut atugassianngorlugit immiussat siornatigut kassette-nngorlugit (imusaaranngorlugit) atuakkanik atorniartarfimmi atorneqarsinnaasartut ilaat CD-nngorlugit atorneqarsinnaanngorput.

Kingumut Nuummi nanorsiortoqalerpoq. Inuit 100-t arlallit Qinngutsinnukaapput, nannumik takusoqarsimasoq ullumi marluk qaangilaaraa tusarliunneqarmat.

Nuummi inissiarsuit Tuapannguani siorna piiarneqartut akuutissamik ulorianartumik PCB-taqarnerisa paasineqarnerannit ukioq qaangiutillartorlu Inatsisartunut nassuiaat naammassineqarpoq.

Nunatsinni illoqarfinni silap qanoq innissaanik missingersuutit pitsaanerusut takkutilersut, Danmarkimi silasiorfiup, DMI-p, neriorsuutigaa.

Ilulissani atuartut aqqanilinnik ukiullit Fredericiamut apriilip aallartinnerani aallarnissaminnut piareersaleruttorput. Atuartut katillugit 57-it qaammatini tulliuttuni marlunni Danmarkimiissapput. Ilulissani atuartunik Danmarkiliartitsisarnerit 42-ssaat taamaalilluni piviusunngulerpoq.

Timmisartut Letlandimeersut EU-p timmisartuussinermut oqartussaasuinit ungasinngitsukkut qajannarpallaarnerarneqarput, kinguneranillu timmisartuutileqatigiiffik sapaatip akunnera ataaseq qaangiuppat matusussanngorpoq. Kanngilinnguani sakkutooqarfimmut angallassineq eqqorneqassanngitsoq oqaatigineqar...

Nunat issittormiut unammiuaarneranni, Arctic Winter Gamesimi, Canadami pisumi, kalaallit timersortartut medaaliannalluataalaavipput. Kalaallit pingasunik ippassaq kuultinnapput, sisamanillu sølvinnallutik.

Meeqqat atuarfiini angajoqqaat siulersuisui kattullutik peqatigiiffiliornissaat IMAK-imit kaammattuutigineqarpoq.

Nannut inoqarfinni takussaaleraluttuinnarnerannut pissutaasinnaavoq amerlavallaalersimanerat imaluunniit sikorsuit najortagaat annikippallaalersimanerat.

Islandimiut kattehajiat, itisoorsuup tudsefiskii aamma havtaske. Tamakkuupput Pinngortitaleriffimmi ilisimatusartut aalisakkat nutaat allattorsimaffiannut ilanngussimasaat kingulliit.

Sisimiuni pinngitsaaliineq peqqarniitsoq pillugu suliami eqqartuussisoqarpoq.

Nunani issittuni inoqarmat aamma pinngortitamik atuisoqarmat EU kommissionip tamanna eqqaamassavaa, ingammik pilersaarutit annertuut pilersinneqarnissaat pivusunngulerpat. Bruxellesimi oqaloqatigiinnermi ICC sinnerlugu peqataasoq Aqqaluk Lynge taama oqarpoq.

Meeqqanut inuusutunullu ulloq unnuarlu angerlarsimaffiit Namminersorlutik Oqartussanit tigummineqaannarallarnissaat, KANUKOKA-miit inassutaavoq, kommuninit pingasunit isumaqatigineqartoq.

Suiaassuseqatigiit oqaluffimmi katitinneqartaleraluarpata Sisimiuni palasip Isak Davidsenip ajoriffissaqartinngilaa. Isak Davidsen Kalaallit Nunaanni palasini siullersaalluni aappariinnik suiaassuseqatigiinnik oqaluffimmi ukiutoqqami pilluaqqusivoq.

Meeqqanik sullissisussat nutaat tamarmik meeqqanut pinerliisimannginnerminnik uppernarsaammik suliffeqarfimminnut takutitsisalernissaat Naalakkersuisunit siunnersuutigineqarpat inatsisartunit tamanit akuerineqarnissaa piareerpoq.

Aningaasat milliardit sinneqartut Namminersorlutik Oqartussanut inuinnaat suliffeqarfiillu akiligassaraat. Nunarsuatsinni aningaasarliorneq suliffeqarfiit malugisimagaat, akiliisitsiniartarfinni sulisut oqaatigaat. Maannami akiitsut 1,1 milliardi koruuninngorsimapput

Danmarkimi isumaginninnermut ministeri (Socialminister) Benedikte Kiær Kulusummut ullunik pingasunik kinguaattoorluni ullumi marlunngornermi tikippoq. Tikeraaq Isumaginninnermut Naalakkersuisumit Maliina Abelsenimit tikilluaqquneqarpoq.

Nunatsinni naligiissitaaneq anguneqarsimasoq, Arnat pisortatut inissisimasut ilaat, isumaqarput.

Avannaata Qimussersuaqarnissaanut Qeqqata Kommuniani anngiunneq arfininngormat ingerlanneqarmat, kikkut avannaanut sukkaniukkiassanersut paasinarsivoq.

Nutartigaq: Paamiuni illoqarfiup iluani ullaap tungaasut nannuttoqarpoq. Paamiunilu nannuttoqartarnera akuttummat meeqqaniit utoqqarnut alutorsaassimapput.

Puisip neqaa, nannup neqaa, qilalukkap neqaa allatulaaq takornarianut sallaalliutigalugit. Nunaqarfimmiut sisamat aamma Tasiilarmiut sisamat nerisassiornermik Tasiilami sapaatit akunnerata naanerani pikkorissartinneqarput.

Issittormiut unammiuaarneranni Arctic Winter Gamesimi kalaallit timersortartut maanna aallartilluareerput. Soorlu aatsaannguaq eqqaagipput pingasut medaljannareerput.

Issittormiut unammiuaarneranni Arctic Winter Gamesini kalaallimik kuultinnattoqarpoq, tassa snowboarderluni Slopestylernermi.

Meeqqat inuusuttuaqqallu kinguaassiuutitigut atornerlunneqarsimasut katsorsarneqarnerat kalaallinut tulluarsagaq, iluatsittumillu kinguneqartoq amerikamiunit soqutigineqarpoq.

Nuna tamakkerlugu kommunit kattuffiata, KANUKOKA-p ataannarnissaa, Kommune Kujalliup kommunalbestyrelsiata tamarmiusup tapersersorpaa, isumaqaramik kommunit ataatsimoorfeqarnissaat pisariaqartoq.

Kommunit aamma Namminersorlutik Oqartussat politikikkut assortuunnerat ingerlajuarsinnarpoq.

Kommunit Namminersorlutillu Oqartussat suleqatigiinnerat tusiappoq. Borgmesterit sisamat KANUKOKA-lu peqataatinneqanngitsutut misigisimapput. Oqarput, sumiiffinni nunallu immikkoortuini annerusumik oqartussaanerulernissaagaluaq Namminersorlutik Oqartussanit suusupagineqartoq. Naalakkersuinermi malin...

Pingasunngorpaminngaanniit igasup puisip neqaa inatsisartunut ilaasortanut sassaalliutigisalissavaa taakkua EU-p Canadamiut puisinit tunisassiaasa avammut nioqqutigeqqusaajunnaarnerannut akerliunialernissaat periarfissinniarlugu.

Assartuussineq pillugu isumalioqatigiissitap siulittaasua maanna borgmesterit Siumumeersut isornartorsiuinerannut akissuteqarpoq.

Naligiisitaaneq pillugu arnat sorsuutissaarutilerput, Qeqqani ilinniarnertuunngorniarfimmi ilinniartut arnat ilaat taama isumaqarput. Anguniagassaqassalli suli arlaliunerarpaat.

Aalakoorluni biilimik tillitamik ingerlaartoq, biilersinnaanermullu uppernarsaateqanngitsoq, angut 20-t 30-llu akornanni ukiulik, arfininngornerup unnuaani Nuummi politiinit tigusarineqarpoq.

Canadami naalakkersuisut Danmarkip nassuiaateqaqquniarpai umiarsuarsuit immakkut assortuussutaaqisukkut Sullualukkoorniartut Issittullu imartaatigoorniartut Canadap nammineq sooq nalunaarsortalerniarnerai Canadami naalakkersuisut Danmarkip nassuiaateqaqquniarpai. Nunatsinni Naalakkersuisup siulittaa...

Gassi kissatsitsisartoq methan annertoorujussuaq Sibiriami nunamit masarsoqarfiusumit qeriuaannartuugaluartumillu aniasarpoq silallu kissatsikkiartorneranik annertunerulersitsisinnaalluni, kisiannili methan aammattaaq periarfissarpassuarnik ammaassisoq, immikkut ilisimasalik oqarpoq.

Inuusuttuaqqat 13-iinnarnik ukiullit biilinik tillinniartalerput Qaqortumilu unnuami angalaartarlutik - imminnut allanullu ulorianartorsiortitsillutik.

Inuusuttuaqqat Qaqortormiuunngillat isumaginninnermili paaqqinnittarfimmit Akillerneersuullutik tassanngalu qimaariarlutik biilinik tillittartut.

Angut 54-nik ukiulik aqqusernup sinaani qiulluni toqungasoq, Tasiilami sapaammi ualikkut nassaarineqarpoq. Pisumut atatillugu ajortuliortoqarsimanngitsoq, politiit erseqqissatigaat.

Aasianni arnamut 41-nik ukiulimmut pinngitsaalillugu arneriffigineqarlunilu persuttarneqarsimasumut atatillugu politiit angut 53-inik ukiulik tigusaraat. Angutip 53-inik ukiullip angerlarsimaffiani arfininngornermi unnukkut fiistertoqarnerani pinngitsaaliineq pivoq.

Arctic Winter Gamesimi, Kalaallit Nunaat siullermeerluni ajugaammat nuannattunnguaqarpoq. Illup iluani arsaalluni unamminermi tamanna pivoq, nukappiaqqat Alberta Northimiunut unammimmata. Timersoqatigiit Kattuffiata nittartagaanni tamanna atuarneqarsinnaavoq.

Sulinermut Inuussutissarsiutillit Kattuffiat Kalaallit Nunaannilu Sulisitsisut Peqatigiiffiat isumaqatigiissummik nutaamik isumaqatigiinniarlutik ullumi aallartipput. Isumaqatigiissut atuuttoq marsip 31-anut killeqarpoq.

Ataataasup meerartaarnermi meeravissiartaarnermilu sulinngiffeqarsinnaanera sapaatip akunnerinut arfinilinnut sivitsorneqassasoq, Inuit Ataqatigiit politikkikkut oqaaseqartartorigallagaata, Aqqaluaq B. Egedep maanna siunnersuutigaa.

Arnat Ulluat ukioq manna 100-ussaannik nalliussineqarpoq, tamanna malunnartinniarlugu TelePost frimærkimik ullumi saqqummersitsissaaq.