Inatsisinik nutarterinerup kinguartinneqarnera paasilluarpaa

Naak innarluutilinnik isumaginninnerup aaqqissuuteqqinnerata unitsinneqarallarneratigut, inatsisinik nutarnerineq sulisullu ilinniartitaanerat kinguartusannguaraluartoq, Kalaallit Nunaanni Innarluutillit Piginnaanikitsullu Kattuffianni paasinnilluarpoq.

- Uagut kattuffimminngaannit aaqqissuusseqqinnissamut sulisitaliani ilasortaatitaqaratta, sulinineq unitsikkallarneqalermat kalerrinneqarpugut. Isumaqarpugut, ajunnginnerusoq tuaviuussaasumik aaqqissuussinginnissaq anguniarlugu unitsikkallarneqartoq, suliassaq annertoqimat siaarnerullugu aaqqissuussisoqartussaammat, kattuffiup siulittaasua Mette Sofie Lerch oqarpoq.

Aaqqissuusseqqinnerup kinguartinneratigut inatsisilionissaq aamma kinguartinneqarpoq. Kisianni Mette Sofie Lerch-ip inatsisiliornermi pisaassuseq pipallannermiit piumneruaa:

- Ajunngtsumik kinguneqartussaasoq takusinnaagatsigu unitsikkallarneqarnera akuerivarput, siulittasoq oqarpoq.

Naak sulisut ilinniartinneqarnissaat aamma unikaallakkaluartoq, innarluutillit pitsaanerusunik sullinneqalernissaata kinguarsinaanera kattuffimmit annilaanngatigineqangilaq.

- Kommni arlalinni Peqqissaanermik ilinniarfik suleqatigalugu pikkorissartitsinerit ingerlanneqalereerput, Kalaallit Nunaanni Innarluutillit Piginnaanikitsullu Kattuffianni siulittaasoq Mette Sofie Lerch tikkuaavoq.

Comments

Giv os et tip

Send en SMS til 1717
Skriv Unnia og derefter dit tip.
(du kan også skrive Tip i stedet for Unnia)
Giv os dit tip på knr.gl/1717
Eller send en email 1717@knr.gl

Qanorooq 19:00 og 21:00
Se den seneste her