KANUKOKA-p allattoqarfiani pisortatut atorfik inuttalerneqartoq

KANUKOKA-p allattoqarfiani pisortatut atorfik maanna inuttalerneqarpoq. KANUKOKA-p siulittaasua Simon Simonsen taama oqaluttuarpoq.
Jakob Møller Lyberth KANUKOKA-p allattoqarfiani pisortanngussaaq. Taanna Qeqqata Kommuniani pisortaanerup sulisuinut Maniitsumi pisortatut maannamut atorfeqarpoq, KANUKOKA-mili maanna tassa atorfeqalerluni. Assi © : KANUKOKA
Allattoq Karsten Sommer
decembarip 14-at 2016 07:51
Nutserisoq Mads Lynge

Jakob Møller Lyberth KANUKOKA-p allattoqarfiani pisortanngussaaq. Taanna Qeqqata Kommuniani pisortaanerup sulisuinut Maniitsumi pisortatut maannamut atorfeqarpoq, KANUKOKA-mili maanna tassa atorfeqalerluni.

Taamanikkut Namminersornerullutik Oqartussani maannalu Namminersorlutik Oqartussani allanilu suliffeqartarsimavoq, allaffimmi pisortatut ilaatigut sulisimalluni.

KANUKOKA-mi sulisunik nutaanik sisamanik atorfinitsitsinissaq suliassaasa siulliit ilagissavaat, soorlu aamma Maniitsumi allattoqarfimmik ingerlatsinerup aqutsinerullu tungaasigut unammillernartumik Jakob Møller Lyberth suliassaqartoq. Simon Simonsen tusagassiuutinut taama nalunaaruteqarpoq.

Kommuneqarfik Sermersuup KANUKOKA-mi ilaasortaajunnaarnerata kingorna allattoqarfiup kommunit sinneri pingasut maanna sullippai.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq