Nakuusertarnerup nipangiusimaneqarunnaarnissaa anguniarneqarpoq
Suliniut Kattunneq kalaallit qallunaallu suleqatigiinnerisigut pilersinneqarpoq. Nuummilu Katuami ataatsimeersuartoqarmat aappariinni meeqqaminnullu nakuusertarnerup qanoq akiorniarneqarsinnaanera oqallisigineqarpoq.
Aamma atuaruk VIDEO Nakuusertarnerup nipangiusimaneqartarnera Maryp unitsikkusukkaa
Inooriaatsillu qanoq kingornunneqannginnissaa aamma oqallisigineqangaatsiarpoq. Ajornartorsiutillu paqumigineqaqisup qaangerneqarnissaanut alloriarneq siulleq suunersoq, Martha Lund Olsenip nalunngilaa.
- Paqumiginagu ammassumik eqqartorneqarnissaa. Taanna pingaaruteqartorujussuuvoq, isumaginninnermut naalakkersuisoq Martha Lund Olsen oqarpoq.
Aamma atuaruk VIDEO Kunngissap nulia Mary Nuummi ataatsimeersuaqataanissaminut qilanaartoq
Kunngikkormiutut ataqqinassusilik Mary ataatsimeersuarnermi aallarniilluni oqalugiarpoq.
Aaqqissuussallu kunngikkormiunit peqataaffigineqarnera suliniummut pingaaruteqarluinnartuusoq, Martha Lund Olsen isumaqarpoq.
- Isumaqarpunga ataqqinartup Kronprinsesse Maryp maani peqataanera inuiaqatigiinnut takutitsisoq, una suliaq imaannaanngitsorujussuaq pingaaruteqartorujussuusoq.
- Aamma taassuma soqutiginninnerujussuata takutippaa ilumut pingaaruteqarmat, paqumigisat aamma ammasumik eqqartorneqarnissaat, Martha Lund Olsen oqarpoq.
Aamma atuaruk Nakuusertarneq pillugu ataatsimeersuartoqarnerani Kunngissap nulia peqataassaaq
Taassuma oqalugiarnini aallarnerlugu nakuuserfigineqarnikut ataqqiniarlugit peqataasut minutsimik ataatsimik nipaallisimanissaannik kaammattorpai, peqataasullumi taamaaliorput.
Naalakkersuisut Siulittaasuat Kim Kielsen, qimarnguinni sullissisut, Meeqqat Illersuisuat, politiit, immikkut ilisimasallit suliniummullu soqutigisallit ataatsimeersuarnermi peqataapput.
