Inuussutissarsiutit

VIDEO Great Greenland sulisuminik ikilisaavoq

Kalaallit Nunaat puisinit tunisassianik EU-mi nunanut suli tuniniaasinnaassasoq septembarip arfineq pingajuanni EU-mi inatsisartut aalajangerpaat. Taamaakkaluartoq Great Greenlandip sulisuni ikilisarpai.

Allattoq Jørgen Semionsen, Camilla Dam, Tikaajaat Kristensen

septembarip 29-at 2015 14:40

Great Greenlandimi sulisut 33-t sulisunik ikilisaasoqarnissaanik nalunaarfigineqarput.

Ammerivimmilu sulisunut soorunami toqqissisimananngilaq.

- Tassa immikkoortortaqarfikkaarlugit maani ikilisaallutik aallartittussaapput. Taanna qaqugu pissanersoq suli nalorninarpoq. Takussavarput qaqugu ikilisaasoqaqqissanersoq.

- Kantiina oktoberip naanerani matuniarpaat. Sulisut tappikaniittut marluk suliffissaarunnissartik aarleqqutigaat juulleriartortorlu, Anthon Eugenius, Great Greenlandimi sulisut sinniisaat KNR-imut oqarpoq.

Aamma atuaruk Kalaallit puisit amiinik EU-mut tunisisinnaanerat atuutiinnassaaq

Sulisut amerlassusaasa naleqqussartariaqalersimanerat pisortap Lars Bergip ikilisaaniarnermut nassuiaassutigaa, sulisullu sinniisaata ima itisilerpaa:

- Tassa ammeriviup ingerlanneqarnera ammut ingerlajartorami, aningaasarsiorneq tunisassiornerlu maani Kalaallit Nunaani eqqarsaatigalugu. Avammut nioqqutit ammit, taavalu iluamik tunisaqarpiannginneq aallaaviugunarpoq, Anthon Eugenius oqarpoq.

Aamma atuaruk EU-mi isumaqatigiinniarnerit Great Greenlandimut pingaaruteqartut

Qaqortumilu sulisut ikilisaasoqaqqinnissaa toqqissisimanngissutigaat.

- Soorunami tusarlerneqaratta, tappikani ataatsimiitinneqaratta toqqissisimanngillat. Aamma suliartoraangamik eqqarsartarput qagugu soraarsitaasaagut? Qaqugu ikilisaaffigineqassaaagut? Tassuunakkut malunnarpoq sulisut ilaasa toqqissisimavallaanginnerat, sulisut sinniisaat Anthon Eugenius nassuiaavoq.

Aamma atuaruk VIDEO Puisit amiisa suliarineqartarnerat KNAPK-p pitsaanerulersikkusuppaa