Politiit ikioqqupput: Nukappiaraq 13-inik ukiulik ujaarineqarpoq
Nukappiaqqap periarfeerunneqarnera ippassaq marlunngornermi unnukkut nalunaaqutaq qulinut politiinut kalerriutigineqarpoq, ujaasinerlu politiinit kingorna aallartinneqarluni.
- Misissuinermut atatillugu paasineqarpoq nukappiaraq ujaarineqartoq nukappiaraqatini aqqanilinnik ukiulik peqatigalugu umiatsiaaqqamik sapaatiummat unnukkut aallarussisimasut sumiiffimmilu angalasimasut. 13-inik ukiulik Jonas Rasmussen umiatsiamit katataasimavoq kingornalu takuneqaqqinnani, politiit taama allapput.
Politiit angallataat Sisak III gummibådillu arlallit ujaasitinneqarput. Qatserisartut aqqartartuat aamma umiarsuavilimmi ujaasitinneqarpoq.
Kommunip isumaginnittoqarfia ilaqutariinnillu sullissivik suleqatigalugit ilaqutaasut attaveqarfigineqarput ikiorserneqarlutillu.
