Aviisi Politiken isertuussanik toqqortanik ujaasivoq

Ukioq tassavoq 1952 taamani Koreami sorsunneq pileruttorpoq atomilu atorlugu sorsuttoqarnissaq aarlerinartorsiortigineqarpoq. Taamaattumik danskit oqartussaasuisa danskit inuiaqatigittut ilusilersorneqarneranut paasissutissat karsinut marlunnut poorneqarput kikkunnullu tamanut isertuussaallutik Kalaallit Nunaannilu najugaqarfigineqanngitsumut toqqorneqarlutik.
Allattoq Jonas Løvschall-Wedel, Jaaku Lyberth
aggustip 01-at 2015 15:15

Tusagassiortutut paasissutissanik ujarlernermi aviisimi politikenimi allaaserisat tallimaasut siulliat ullumi saqqummersinneqarpoq.  

Pineqartoq tassaavoq Danmarkip naalagaaffittut tunngavigisaanut takussutissat toqqorneqarsimammata sorsuttoqarnerani annattut Danmark naalagaffittut ineriartorteqqinneqarnissaanut atugassat.

Takussutissat taakkua filmelilarineqarlutik karsinut marlunnut ikineqarput sumullu toqqorneqarsimanersut arlaannataaluunniit ilisimanngilaa,  tassalu taanna ajornartorsiutip qiterisaa

Aviisimi politikenimi tusagassiortoq assiliisartorlu Mikkel Vourela sumiissusersiut GPS,  umiarsuit sumiinnerannik nalunaarsuiffik, allattukkat aamma titartakkat, ulllorsiutini allattukkat kiisalu saviminernik ujalerluni maluginnissinaasumik detekorimik nassarluni  Sisimiunut aallarpoq  karsit taakkua marluk ujariartorlugit.

Karsinut toqqorsiviusinnaasututut ilimagineqartut arfineq marluk misissuiffigineqareerput maannallu tassa aviisip politikenip namineerluni allaaserisat  erlinnaartuutinik ujaasinermik taallugit  ujaasinini aallartippaa.

 

            Læs Politikens Jagten på den skjulte skat kap. 1.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq