Kunngit pingasut tungaannut juullertarput

Canadami nunaqarfinnitulli juullisiortarneq sumiiffinni ikittuinnarnit annerunermik nalliuttorsiutigineqartarpoq.

Tamaani juulliaqqamiit kunngit pingasut ulluannut juullertarpoq.

Kaffillertoqartarpoq qangatullu inuit imminnut pulaaqattaattarlutik. Oqaluffiillu naalagissanik ulikkaavittarlutik.

Nalliuttorsiornerilli amerlanerit silami pisarput. Inersimasut inuusuttullu Hockey-mik unammisarput, qamuteralannik snescooterinik sukkaniuttoqartarpoq aalisarlunilu unammisoqartarluni. Nunaqarfiit ilaanni erinarsoqatigiit silatangiaallutik illuniit illunut angalaartarput.

Nunaqarfiit tamarmik immikkut ileqqoqarput. Kuujjuarmi Johnny May, timmisartortartoq Inuk tusaamasaq, illoqarfik qulaallugu timmisartorluni mamakujunnik meeqqanut inuusuttunullu nakkaatitsissaarngaasiit. Ukiuni arlalinni ileqqoq taanna nuannaarutaalluni Kuujjuarmi juullerneranik nalunaarutaasarpoq.