Folketingimi ilaasortat nukarlersaat oqaaseqartartunngorpoq

Venstrenit oqaaseqartartussatut toqqarneqarpoq, Ilageeqarnermut Akulerutsitsinissamullu ministeriusimasoq, Birthe Rønn Hornbech, Radikalenit toqqarneqartoq tassaalluni Folketingemi ilasortat nukarlersaat 20-nik ukiulik, Jeppe Mikkelsen.

Tamatuma saniatigut taanna Savalimmiut Nunallu Avannarlernut tunngassutilinnut oqaaseqartartunngorpoq.

Kalaallit Nunaat Jeppe Mikkelsenimut nutaajugaluartoq, Birthe Rønn Hornbech kalaallit danskillu Namminersorneq pillugu Ataatsimiititaliarsuanni ilaasortaanini aqqutigalugu Kalaallit Nunaannut ilisimaqarluarpoq.

Taamaalillutik SF aamma Socialdemokraatit oqaaseqartartussaminnik toqqaanissaat kisinngoruppoq.

Enhedslisteniminngaannit oqaseqartartussatut toqqarneqarpoq, Finn Sørensen sulisartoqarnerminngaanneersoq, Søren Espersen Dansk Folkepartiimeersoq oqaaseqartartunngortinneqartoq. Siornatigut nunanut allanut tunngassutilinnut ministeriusimasoq, Per Stig Møller konservativenit Kalaallit Nunaannut oqaaseqartartussattut kiisalu Liberal Alliancemeersoq Villum Christensen toqqarneqartut.