Kiinnat takornartat ilisarnartullu

Folketingimi Nunatsinnut tunngasunik oqaaseqartartut inissikkiartuaarput.

Enhedslistenimit Nunatsinnut tunngasunik oqaaseqartartuussaaq qinigaarlaaq Finn Sørensen. Taanna 64-inik ukioqarpoq, sulisartoqarnikkut sullissinermik misilittagaqarluarluni, soorluttaaq Tuborgimi immiaaqqanik angallassissummi aquttuusimasoq.

Taassuma ukiormanna qineqqusaarnermini pingaartillugit taagugai tassaapput, suliffeqarfiit nunanit tamalaanit pigineqartut Nordsømilu uuliap qallorneqartup akileraaruserneqarnissaat. Pingaarutilittut aamma taaneqarsinnaavoq, Finn Sørensenip inuusukkallarami rockimik nipilersortartut 'Røde Mor' guitarertuuffigimmagit.

Partiillu talerperliit qiviaraanni Søren Espersenip Danmarkip Nunattalu akornanni oqallinneq suli sunniuteqarfigigallassavaa. Tassami qinigaaffimmi tulliuttumi, Dansk Folkeparti sinnerlugu Nunatsinnut tunngasunik oqaaseqartartuussaaq.

Siusinnerusukkut oqaatigineqareersutut nunanut allanut tunngasunut ministeriusimasoq, Per Stig Møller Konservativit sinnerlugit Nunatsinnut tunngasunik oqaaseqartartuussaaq. Liberal Alliancet Nunatsinnut tunngasunik oqaseqartartussaat tassaavoq Villum Christensen.

Socialdemokratit aamma Venstret oqaaseqartartussatik sisamanngorpat aatsaat inissinniarpaat, SF-illi aamma Det Radikale Venstret oqaaseqartartussatik aqagu inissitsiterniarlugit.

Taamaattorli SF-it Nunatsinnut tunngasunik oqaaseqartussaattut Özlem Cekic ilimagineqarpoq, taannami Københavnimi Kalaallit Illuutaanni qineqqusaartilluni, isertuarani oqareermat partiini sinnerlugu, Nunatsinnut tunngasunik oqaaseqartartoorusulluni.

Kommentarer

inatsisartut_forarssamling_2017_nils_baum_bureau_for_inatsisartut.jpg

Inatsisartuts Efterårssamling



Giv os et tip

Send en SMS til 1717

Skriv Unnia og derefter dit tip og send sms'en til 1717.
(du kan også skrive Tip i stedet for Unnia)

Giv os dit tip på knr.gl/1717

Eller send en email 1717@knr.gl

KNR TV: TekstTV

Tjek information her:

TTV s 113 Dagligt opdaterede nyheder

TTV s 400 Live flyinformation ank./afg.

TTV s 350 Aktuel TV oversigt

TTV s 610 Aktuel Radio oversigt

...og meget mere!