Ministerinngornissamut piukkunneqarnini tunuartippaa
Socialdemokraatit politikikkut oqaaseqartartuat, Henrik Sass Larsen Socialdemokraatit naalakkersuisunngortitsippata aningaasaqarnermut minsterissatut piukkuneqartoq, rockerinik attaveqarsimanera pissutigalugu isunannallisaanermut piumasaqaat politiit isertortumik paasiniaasartuinit piumasaqaataasoq maleruarsimanngimmagu ministerinngorsinnaanngilaq.
Ministerinngornissamut piukkunneqarnini tunuartippaa, nalinginnaasumillu folketingemi ilaasortartut ingerlaannassalluni.
Henrik Sass Larsenip ministerinngorsinnaannginnera Helle Thorning-Schmidtip ajusaarutigaa, aalajangernerli isumatusaarnerusoq oqaatigalugu, nutaarsiassaqartitsivik Ritzau Bureau taamatut allaaserisaqarpoq.
SF-ip siulittaasuata Villy Søvndahlip tusagaq ajuusaarnartuunerarlugu aamma oqaatigaa.
- Henrik Sass Larsenip aalajangernera ilumoortuuvoq tamannalu ataqqivara, Villy Søvndahl oqarpoq
Socialdemokraatini aningaasaqanermut ministerinngortitassatut piukkuneqartut maanna marluupput, tassalu Helle Thorning-Schmidtip qanimut siunnersortaa, Bjarne Corydon aamma Socialdemokraatini aningaasaqarnermut oqaaseqartittagaq Morten Bødskov.
